Inflacioni mbetet në të njëjtin nivel për dy muajt e parë të vitit 2025.Instituti I statistikave ka publikuar indeksin e çmimeve të konsumit që tregon se në shkurt të këtij viti inflacioni vijoi të qëndroj në nivelin 1.9%.
Referuar shifrave të publikuara nga INSTAT, inflacioni për muajin shkurt ishte 1.9%, ndërkohë që një vit më parë, ky tregues ishte 2.6%.Krahasuar me muajin Shkurt 2024, rritja më e madhe e çmimeve vërehet në grupin “Argëtim dhe kulturë” me 6,5 %, pasuar nga grupet “Pije alkoolike dhe duhan” “Mobilje, pajisje shtëpie dhe mirëmbajtje e shtëpisë” .Ndërkohë që nëngrupi Ushqime , pije joalkoolike dhe “Veshje e këpucë” kanë pasur një rritje të lehtë .
Për të disatin muaj vijon që nëngrupi i transportit të pësoj ulje të çmimeve me 2,2 %.Nisur nga ky tregues Banka e Shqipërisë pritet që në mbledhjen e ardhshme të Këshillit Mbikqyrës të lehtësoj politikën monetare duke ulur normën bazë të interesit nga 2.75% që është aktualisht.
Pritshmëritë janë që niveli i inflacionit të riktheht në objektiv brenda këtij viti edhe pse tashmë kriza e çmimeve është tejkaluar.
Një rishikim i kësaj norme në muajt në vijim do të nxiste më tej ekonominë në vendin tonë si dhe do të ulte kostot për kredidmarrësit./abcnews.al
