Identifikohen 5 raste me Covid-19 në institucionet e larta të drejtësisë.
Siç raporton gazetarja Glidona Daci për ABC News, janë infektuar një gjyqtar i Gjykatës së Posaçme, ndërsa në SPAK ka rezultuar pozitiv një prokuror, një zëdhënëse për mediat, një financiere, dhe një kancelare e Apelit në këtë institucion.
Nuk dihet si janë infektuar ata, ndërsa mësohet se puna në këtë institucion, vijon normalisht ndërsa janë shtuar kontrollet dhe matet temperatura e çdokujt që frekuenton ambjentet.
Të pesë rastet në SPAK ndodhen në gjendje të mirë shëndetësore dhe janë vetkarantinuar në banesat e tyre.
Tre ditë më parë, tre prokurorë të Tiranës u infektuan me Covid-19. Të infektuarit janë vetëkarantinuar, ndërsa pjesa tjetër e kolegëve vijojnë punën duke respektuar masat anti-Covid-19.
Ndërkohë koronavirusi ka “prekur” edhe prokurorinë e Elbasanit.
Ditën e djeshme rezultuan pozitivë një punonjëse dhe një oficer i policisë gjyqësore. Të dy punonjësit janë të karantinuar ndërsa kontrollet dhe masat janë shtuar.
N.D./abcnews.al
