Edhe sonte “E ardhmja është vajzë” në ABC nga Ermira Çausholli, solli shumë emocione nëpërmjet ekranit. Njëra nga sfidat “Në mundsh” i bëri të ftuarat Ines dhe Albana, të tregonin momentet e vështira në jetë. Për herë të parë vajzat treguan ndjesi dhe histori personale nga jeta e tyre dhe kishte kaq shumë emocion në këtë rubrikë.
Inesi tregoi se humbja e babait një vit më parë ishte një nga momentet më të vështira në jetë. Ajo tregoi mes lotësh se pozitivitetin, energjinë dhe dëshirën për kërcimin e ka të trashëguar pikërisht nga ai. Babai i Inesit, artist dhe valltar e ka bërë që të vogël të dojë artin, muzikën dhe gjithçka lidhet me të.
Lidhja e fortë me babain e ka bërë që gjatë këtij viti të përjetojë momente shumë të trishta por asnjëherë të humbasë buzëqeshjen dhe të gjejë forcë për të vazhduar përpara, ashtu sikurse edhe ai vetë e ka mësuar që prej fëmijërisë. /abcnews.al
