Loading ...
Ish-prokurori Ervin Karanxha deklaroi se serveri ka fiksuar momentin e ngjarjes në 21 janar dhe se çështja është në hetim, ndërsa pritet rikuperimi i të dhënave përmes pajisjeve të gjurmimit. Sipas tij, është bërë publike një listë e bashkëpunëtorëve të SHISH-it nga avokati Arben Llangëzi, ku pretendohet se figuron edhe emri i Ina Ramës, me gjeneralitete të plota.
Karanxha theksoi se, nëse këto të dhëna rezultojnë të vërteta, rasti është shumë i rëndë dhe SHISH duhet të reagojë.
“
Ne presim që, me zhvillimin e pajisjeve të gjurmuesve, serveri të rikuperohet nëse mund të ketë ndonjë të dhënë. Serveri ka fiksuar momentin e ngjarjes, sepse ka filmuar çastin kur është goditur. Çështja është në hetim.
Kemi një avokat, Arben Llangozin, i cili bëri publike listën e bashkëpunëtorëve të SHISH-it dhe njëri prej tyre ishte emri i Ina Ramës. Doli lista me gjeneralitetet, ku Ina Rama del si bashkëpunëtore e SHISH-it. Duhet parë dosja operative, sepse nëse është e vërtetë, është shumë e rëndë.
Duhet të dokumentohet çdo moment. Nëse je bashkëpunëtor, duhet të raportosh. Informacionet në përgjithësi janë të shkruara. Kjo është një e dhënë publike dhe SHISH duhet të reagojë. Është fotoja e saj, data e lindjes, pra ka gjeneralitete. Këto janë të dhëna që kanë rrjedhur në vitin 2022 nga hakerimet e kryera nga hakerat iranianë.” /abcnews.al/
