Ronaldo Schemidt, fotograf i agjensisë së lajmeve AFP, është fituesi i çmimit “World Press Photo” për vitin 2018. Ai u shpall fitues për një fotografi, të cilën e kishte shkrepur në venezuelë. Në të shikohet një djalosh i kapluar nga flakët nga të cilat po mundohet të shpëtojë. Salazar Balza, i veshur me një bluzë të bardhë mban në kokë një maskë kundërgaz, ndërsa në mur është vizatuar një pistoletë me mbishkrimin “paqe”. 28-vjeçari, protagonist i këtij imazhi, po protestonte në Karakas kundër presidentit Nikolas Maduro. /abcnews.al
