Sportisja shqiptare e Flamurtarit, Ilda Lelo, ka mbrojtur në pallatin e sportit në Vlorë titullin WKU për femra në kickbox dhe u shpall kampione bote për peshën 62.5 kg.
Ajo arriti të fitonte përballë sportistes turke, Tugba Gyl Bozkya pas pesë raundesh.
Kjo fitore i ka dhënë mundësinë Lelos të mbrojë titullin e kampione së botës për herën e dytë. Mes emocioneve, Ilda Lelo u shpreh e lumtur për suksesin e saj, ndërsa edhe trajneri i saj Alban Alikaj e quajti këtë mbrëmje të mrekullueshme.
Ai shpreson që kjo fitore të pasohet me të tjera çmime të rëndësishme./ h.ll/abcnews.al
