Keqpërdorimi i antibiotikëve po bën që shumë mikroorganizma të mos i përgjigjen më këtyre barnave duke e bërë të vështirë trajtimin e shumë infeksioneve bakteriale.
Rezistencën antimikrobike Organizata Botërore e Shëndetësisë e ka shpallur një ndër kërcënimet kryesore të shëndetit publik dhe i bën thirrje qeverive të marrin masa për ta ndaluar ndërsa shoqërive për tu ndërgjegjësuar. Në një kohë që një studim i kryer në 14 shtete nxorri në pah mbipërdorimin e antibiotikëve.
Në Shqipëri më shumë se gjysma e popullsisë sipas OBSH kanë marrë antibiotikë 12 muajt e fundit edhe për dhimbje fyti, kollë apo simptoma të ngjashme me gripin. Ndryshe nga sa thonë mjekët 56% e të anketuarve mendojnë se antibiotikët japin efekt mbi viruset ndësa shumë të tjerë nuk kishin dijeni mbi rrezikun që sjell pëdorimi pa kriter i tyre.
Rreth 44% e qytetarëve në vendin tonë treguan se kanë marrë antibiotik me përshkrimin e mjekut, por pa bërë një analizë për të zbuluar se çfarë e shkakton sëmundjen. 15% e kishin blerë në farmaci pa recetë dhe 1% kanë përdorur një recetë të mëparshme.
Organizata Botëore e Shëndetësisë thekson nevojën për veprime të shpejta pasi vlerëson se për më shumë se 39 milionë vdekje deri në vitin 2050 do të jenë përgjegjëse infeksionet nga bakteret rezistente ndaj antibiotikëve./abcnews.al
