Shtetet e Bashkuara të Amerikës kanë regjistruar edhe 2,389 vdekje të shkaktuara nga koronavirusi të mërkurën. Më bilancin e ri ditor, numri total i viktimave si pasojë e virusit korona në vend rritet në 61,680, ndërsa numri total i të infektuarve në vend është 1,064,832.
Në ditët e fundit, numri i vdekjeve kishte filluar të binte nën 2,000 të shtunën dhe duke vazhduar me rënie të dielën e më pas të hënën. Të hënën si pasojë e koronavirusit humbën jetën 1,315 persona, hera e parë që bilanci ditori i viktimave në SHBA kishte qenë kaq i ulët që nga 5 prilli.
Më pas shifrat nisën të rriteshin sërish të martën dhe të mërkurën u regjistruan 28,259 raste të reja me koronavirus.
Rritja e numrit të viktimave vjen në një kohë kur një numër i madh shtetesh planifikojnë që të fillojnë të zbatojnë fazën e rihapjes ndërsa ekspertët paralajmëruan se kanë identifikuar 22 vatra të reja rreth e qark vendit. /abcnews.al/
