Frederic Massara, drejtori sportiv i Milanit, ka folur para ndeshjes së kuqezinjve në Europa League kundër Celtic. Ibrahimovic dhe Tonali ishin në qendër të vëmendjes, ndërkohë që u pyet edhe për projektin e kuqezinjve për të rinovuar skuadrën me elementë të rinj.
“E shijojmë çdo lojë të tij, ai është një lojtar i jashtëzakonshëm. Ibra ngriti nivelin e ekipi dhe e ndihmon grupin për të dhënë më të mirën çdo ditë”, tha fillimisht Massara. Më pas ai u pyet për moshën mesatare të Milanit.
“Është një projekt që nisi vitin e kaluar dhe e vazhdoi edhe në këtë merkato. Kemi një ekip të rinovuar, me disa elementë me përvojë që kompensojnë boshllëkun me ekipet e tjera. Normalisht grupi që kemi në dispozicion ka vend për t’u rritur dhe në këto moment po përmirësohet. Kemi shumë besim”, shtoi Massara.
Në fund foli edhe për mesfushorin e transferuar nga Brescia. “Nga Tonali presim gjëra të mëdha. Ishte një lojtar që e donim dhe për ta ishte kalim i madh kalimi nga Brescia te Milani. Jemi të kënaqur me atë që ka bërë. Çifti Kessie-Bennacer po bën gjëra të jashtëzakonshme, por edhe Tonali po bën mirë dhe ne jemi të bindur që do të japë kontributin e tij në këtë skuadër”, mbylli Massara. /abcnews.al
