Mbrojtësi i Milanit, Davide Calabria, i ka thurur elozhe gjigantit suedez, Zlatan Ibrahimovic. Sipas Calabria, Ibra është inpsirim dhe një njeri shumë pozitiv në dhomat e zhveshjes.
“Ibra gjithmonë e ruan karakterin e tij të veccantë. Në dhomat e zhveshjes, na bën të gjithëve për të qeshur, është një njeri shumë pozitiv. Ai gjithmonë e ka dëshirën për të bërë më mirë, për të fituar edhe më shumë.
Mund ta kishte mbyllur karrierën e tij me kohë, por i pëlqen rivaliteti. Është gati gjatë gjithë kohës për të luftuar, për të goditur kundërshtarin e tij. Ai vrapon si një futbollist që sapo e ka nisur karrierën dhe është një inspirim”, tha Calabria për faqen zyrtare të Milanit./abcnews.al
