Reperi i famshëm Mozzik hyri mbrëmjen e djeshme si i ftuar special për të performuar për banorët e shtëpisë së Big Brother VIP. Reperi theksoi se kishte ardhur për të argëtuar të gjithë banorët por shprehu dhe mbështetjen për mikun e tij, Donaldin, të cilit i uroi fitoren.
Ndërkohë, reperi i famshëm ka reaguar sërish ditën e sotme dhe i ka përcjellë një tjetër mesazh aktorit të humorit. Teksa ka publikuar një moment nga takimi me të, ai është shprehur: “Ti vjen nga Vlora o vëlla, ngrite dhe njëherë flamurin si duhet. Të përqafoj dhe të pres jashtë. #KingDonaldi.”
Kujtojmë që hyrja e tij brenda shtëpisë ka sjellë reagime të shumta se mund t’i ketë dhënë ndonjë mesazh nga jashtë Donaldit. Madje, Meridiani drejtoi gishtin nga produksioni duke thënë se duhet të tregojnë kujdes me personat që futen brenda ndërsa përmendi dhe disa raste, që sipas të cilit, Donaldi ka marrë informacione. /abcnews.al
