I prekur nga COVID-19, humb jetën polici në Kosovë

schedule11:59 - 22 Gusht, 2020

schedule 11:59 - 22 Gusht, 2020

Një efektiv policie në Kosovë ka humbur jetën nga koronavirusi. Zyrtari i Policisë, Miftar Kurti, i infektuar me COVID-19 ka ndërruar jetë të premten në Spitalin e Përgjithshëm të Vushtrrisë.

Koordinatori i Spitalit të Përgjithshëm të Vushtrrisë “Sheikh Zayed”, Bujar Pllana, ësnhtë shpehur se zyrtari policor ka qenë i shtruar në këtë spital rreth tre javë, ndërsa në dy javët e fundit ka qenë i intubuar.

Dje ka ndërruar jetë zyrtari policor, Miftar Kurti, nga COVID-19. Mbi tri javë ka qenë i shtruar në spital, ndërsa në dy javët e fundit ka qenë në intubim”, ka thënë koordinatori Pllana.

Ndërsa, drejtori i këtij spitali, Mursel Pllana në një prononcim për Telegrafin ka treguar se 33 pacientë për momentin janë duke u trajtuar në këtë spital, të prekur më virusin COVID-19.

Siç tha ai, 24 pacientë janë të konfirmuar me COVID-19, ndërsa për pacientët e tjerë janë duke pritur rezultatet.

33 pacientë janë të shtruar, ndër ta 24 të konfirmuar me COVID-19. Për të tjerët priten sot rezultatet. 20 pacientë janë më osksigjeno – terapi, ndërsa dy të tjerë janë në gjendje më të rëndë”, ka thënë Pllana./abcnews.al