Realizoi një ëndërr duke luajtur në krah të të birit.
Gjithsesi, Lebron Xhejms ka një tjetër dëshirë të madhe, titullin kampion në NBA me Los Anxhelos Lejkërsat.
I mbiquajturi “Mbreti i basketbollit”, ai synon që këtë sukses ta arrijë si protagonist, ndonëse për pak ditë mbush 40 vjec.
Lebron ishte i shkëlqyer në fitoren e arritur në Kaliforni ndaj Sakramentos.
Rezultati ishte 132-127 dhe Xhejms realizoi një tripëll dabëll, me 32 pikë të shënuara, 14 topa në tabela dhe 10 asistë.
Ai realizoi 4 kosha për tri pikë dhe gaboi shumë pak në gjuajtje.
Paraqitja e kampionit ishte e shkëlqyer sidomos në periodën e katërt, kur fitorja u rrezikua, dhe ai shënoi 16 pikë.
Natyrisht, ndeshja ishte e vështirë siç e tregon edhe rezultati, dhe Xhejms pati nevojë për ndihmën e yllit tjetër të ekipit, Entoni Dejvis, që shënoi 31 pikë dhe kapi 9 topa në tabela.
Kjo ishte fitorja e tretë në tri ndeshje për Lejkërsat, në një nisje të shkëlqyer të sezonit, ndryshe nga vitet e kaluara.
Lebron është shpallur 4 herë kampion në basketbollin amerikan, ndërsa synon t’i afrohet sa më shumë legjendës tjetër të madhe, Majkëll Xhordan, që ka fituar 6 tituj me Çikagon./abcnews.al
