50 Cent i është përgjigjur djalit të tij 25 vjeçar Marquis Jackson pasi tha se do t’i ofronte para nëse reperi kalonte kohë me të. 25 vjeçari ironizonte të atin me një foto dhe thoshte se do t’i paguante 6,700 dollarë “në mënyrë që të bëjmë të gjitha gjërat që doja të bëja me të kur isha fëmijë”.
6,700 dollarët kanë të bëjnë me shifrën që reperi i jep nënës së djalit të tij si mbështetje financiare. Gjatë një interviste për emisionin “The Breakfast Club”, 50 Cent tha se nuk beson se kërkesa e djalit të tij është e vërtetë dhe mendon se ai po manipulohet. “Jo, ai nuk dëshiron ribashkim”, tha reperi.
“Shiko, Charlamagne, ju do të më telefononit mua. Nuk telefononi TMZ për të thënë se doni të uleni dhe të flisni. Ai dëshiron pak vëmendje, dhe kjo është mirë. Ai mund të ketë gjithë vëmendjen që dëshiron ,” pohoi reperi. /abcnews.al
