Policia e Fierit ka arrestuar një 40-vjeçar, i cili i vodhi me dhunë varësen e floririt një 25-vjeçares.
40-vjeçari akuzohet për veprën penale “Vjedhja me dhunë”, ndërsja varësja u sekuestrua në cilësinë e provës materiale.
Njoftimi i policisë:
Shërbimet e Komisariatit të Policisë Fier, pas marrjes së njoftimit se në lagjen “8 Shkurti”, Fier, shtetases E. I., 25 vjeçe, i kishin vjedhur me dhunë varësen e floririt që mbante në qafë, kanë shkuar menjëherë në vendngjarje. Falë veprimeve të shpejta dhe profesionale, shërbimet e Policisë kanë bërë të mundur identifikimin dhe kapjen e autorit të dyshuar të ngjarjes.
Në vijim të veprimeve procedurale, specialistët për Hetimin e Krimeve në Komisariatin e Policisë Fier arrestuan shtetasin E. K., 40 vjeç, banues në Fier, për veprën penale “Vjedhja me dhunë”.
U sekuestrua në cilësinë e provës materiale varësja që ky shtetas i vodhi me dhunë 25-vjeçares. /abcnews.al
