I mori më qafë “Benz”-i i mjekut, si u zbulua banda e hajdutëve në Cërrik, i fundosën gishtat

schedule21:53 - 12 Nëntor, 2020

schedule 21:53 - 12 Nëntor, 2020

Policia e Elbasanit zbuloi një bandë hajdutësh që vepronte në këtë qark me dy qytete të preferuara, Cërrikun dhe Peqinin. Gazetari Aldo Kozarja raportoi se banda ka bërë rreth 15 vjedhje me vlerë rreth 50 milionë lekë.

Por si u zbuluan? Mbrëmjen e djeshme, dy hajdutët kishin pikasur prenë e radhës, makina e një mjeku në Cërrik me inicialet K.L. Por stomatologu ndjeu lëvizjet gjatë natës dhe u ngrit menjëherë duke parë që makina nuk ishte poshtë shtëpisë ku e kishte parkuar.

Mjeku lajmëroi policinë e cila u vendos në lëvizje duke rënë në gjurmët e hajdutëve nga Elbasani. Gjatë ndjekjes, dy autorët braktisën makinën tip “Benz E-Class” duke u arratisur për të humbur gjurmët në errësirë.

Por lanë pas gjurmët e gishtave në makinë duke u zbuluar dhe identifikuar, ndërsa vijojnë që të jenë në kërkim nga policia. / db/Abcnews.al