Mbrëmjen e djeshme një ngjarje e rëndë u regjistrua në Korçë, ku dy grupe me të mitur, pas disa konflikteve për ditë me radhë në rrjetet sociale, u konfliktuan edhe fizikisht.
Si pasojë e këtij konflikti mbeti i plagosur rëndë një 14-vjeçar, i cili pas trajtimeve të para në Korçë, u transportua drejt Spitalit të Traumës në Tiranë.
I mituri ka marrë fraktura të rënda në kokë, pasi siç raporton gazetari i ABC News, Roland Beqiraj ai është goditur me drunj dhe hekur.
Në policia ka shoqëruar dhe ka marrë në pyetje deri më tani 15 të mitur, nën shoqërinë e prindërve dhe psikologes, por dëshmitë e tyre nuk kanë qenë të njëjta, në kohë të ndryshme.
Kjo e bën shumë të vështirë zbardhjen e kësaj ngjarjeje dhe po ashtu veçimin e përgjegjësisë individuale.
Nga ana e Prokurorisë ka nisur procedimi në lidhje me ngjarjen.
Deri më tani nuk ka asnjë të ndaluar, ndërsa do të jetë Gjykata e të Miturve që do të vendosë, nëse do të ketë të ndaluar apo jo.r.t/abcnews.al
