VLORË- Në gjendje të traumatizuar dhe paniku Kevin Hajrulla është marrë në pyetje nga grupi hetimor në ambientet e spitalit të Traumës në Tiranë. Kevin Hajrulla nuk e ka ndihmuar aspak grupin hetimor në dëshminë që ka dhënë përpara tyre.
“Nuk kam konflikte me asnjë”, mësohet të ketë thënë Hajrulla dhe nuk e di se çfarë mund të ketë ndodhur .
“Jam kushëri me Inezin por jam takuar rrallë”, ka thënë ai.
I pyetur për momentin e atentatit Kevin Hajrulla kujton pak ngjarjen, por jo plotësisht.
Deri tani Hajrulla ka bërë 3 ndërhyrje në trup duke hequr gjithë predhat por do i nënshtrohet disa ndërhyrjeve tjera sipas bluzave të bardha .
Ndërkohë burime të grupit hetimor pohojnë se hetimet kanë avancuar nëpërmjet këqyrjes se kamerave të sigurisë por që deri tani ende nuk është arritur në identifikimin e autorëve .
Në moment që Hajrulla pyetet për momentin e atentatit kalonte ne gjendje paniku .
“Jam traumatizuar dhe s’mbaj mend momentin as persona skam parë gjë”, është shprehur ai .
Kevin Hajrullla u plagos rëndë ne datë 18 dhjetor në lagjen 24 maji , ndërsa ishte duke lëvizur me automjetin e tij Benz Mercedez.
Ndaj tij i qëllua me mbi 50 plumba ndërsa u plagos edhe një tjetër person rastësisht në vendngjarje.
Hajrulla është duke marrë mjekim në Tiranë pas plagëve të shumta të marra në pjesë të ndryshme të trupit/abcnews.al
