Ish-kryeministri italian Silvio Berlusconi po i përgjigjet në mënyrë optimale trajtimit mjekësor për Covid-19. Megjithatë, sipas mjekut të tij personal, ende nuk mund të “shpallet fitorja” mbi virusin.
Dr. Alberto Zangrillo tha të dielën se është optimist që Berlusconi do të bëhet më mirë. Tre herë kryeministri i Italisë mbush 84-vjeç brenda disa javësh dhe ka pasur prej kohësh probleme serioze me zemrën, shkruan abcnews.al
Ai u shtrua në spitalin San Raffaele në Milano të premten herët pasi doli pozitiv për virusin në fillim të javës. Në atë kohë ai ishte fazat e hershme të një infeksioni në mushkëri.
“Pacienti po i përgjigjet në mënyrë optimale trajtimit”, u tha Zangrillo gazetarëve jashtë spitalit.
“Kjo nuk do të thotë që ne mund të pretendojmë fitore sepse, siç e dini, ai i përket kategorisë më të brishtë, duke pasur parasysh moshën e tij.”
Të dhënat nga Instituti i Lartë i Shëndetit në Itali tregojnë se burrat e moshës 80-87 vjeç kanë shkallën më të lartë të vdekjes nga Covid-19 mes rasteve totale në Itali, me 47%. s.b /abcnews.al/
