Chris Smalling arriti t’i jepte Romës fitoren në përballjen e sotme me Salernitanan në takimin eluajtur në “Olimpico”.
Miqtë arritën të shënonin të parët, teksa verdhekuqtë do të mundin të barazonin vetëm në 10 minutat e fundit të takimit, ndërsa Smallin do shënonte golin që do të vlente 3 pikë.
Pas ndeshjes Smalling u shpreh se skuadra kërkonte me çdo kusht fitoren, ndërsa pas këaj sfide tashmë gjithë forcat e skuadrës italiane do të përqendrohen te Conference League ndaj Bodo/Glimt.
“Edhe pse ishim në disavantazh në përfundim të pjesës së parë, donim me çdo kusht fitoren. Nuk mund ta humbisnim këtë ndeshje, e fituam me karakter dhe rendiment.
Për fat të keq kam patur një dëmtim serioz. Po punoj fort dhe jam në dispozicion të skuadrës. Ishte shumë e rëndësishme kjo fitore në kampionat, por duhet të fitojmë edhe në Conference League.
Duhet të luajmë me të njëjtin karakter. Do të jetë e vështirë, por do t’ia dalim”, ka thënë për “Dazn” mbrojtësi anglez i Romës. /f.a/abcnews.al
