I dha fitoren Interit ndaj Barçës, Calhanoglu: Dhamë maksimumin, e merituam!

schedule08:01 - 5 Tetor, 2022

schedule 08:01 - 5 Tetor, 2022

Interi mposhti minimalisht 1-0 skuadrën e Barcelonës në “Guiseppe Meaca” në takimin e tretë të fazës së grupeve në Champions League.

Një fitore që tashmë i pozicionon zikaltrit në vendin e dytë në grupin C me 6 pikë, duke lënë pas katalanasit e Xavi Hernandez.

Padiskutim heroi i kësaj fitore për italianët ishte Hakan Calhanoglu, i cili shënoi nga distanca një supergol për t’iu dhuruar kështu “Nerrazzurëve” 3 pikët.

“Ishte shumë e rëndësishme edhe për ne sot. Duhet të jepnim një sinjal edhe për tifozët që kur humbëm ndeshjen e fundit ata ishin pranë nesh. Sot na dhanë një dorë e shkëlqyer. Ne e merituam fitoren.

Ishte e rëndësishme të shënoja sot. Isha jashtë për tre javë. Punova shumë për t’u rikthyer”, ka deklaruar turku.

A mund ta kaloni raundin në këtë grup të vështirë? “Duhet të jemi të qetë dhe të mendojmë lojë pas ndeshje”, përfundoi mesfushori zikaltër. /f.a/abcnews.al