I dërguari i posaçëm i Izraelit për Ndryshimet Klimatike dhe Qëndrueshmërinë, Gideon Behar, këshilloi presidentin e sapozgjedhur të SHBA-së, Donald Trump, të mos tërhiqet nga Marrëveshja e Parisit për Klimën, e nënshkruar nga SHBA në 2015.
I pyetur nëse Izraeli e mbështet planin e Trump për t’u larguar nga Marrëveshja e Parisit, Behar tha se do të ishte më mirë nëse sa më shumë vende të jetë e mundur të mbesin në marrëveshje sepse përpjekja për të ndaluar ngrohjen e rrezikshme globale po ndodh në nivel ndërkombëtar.
Trump është zotuar të tërheqë SHBA-në nga marrëveshja, siç bëri gjatë mandatit të tij të parë si president.
Trump ka njoftuar se do të vazhdojë të mbështesë Izraelin.
Marrëveshja e Parisit kërkon që vendet të reduktojnë vullnetarisht emetimet e tyre të gazeve që shkaktojnë efektin serrë dhe ajo u nënshkrua nga pothuajse të gjitha vendet e botës. Vetëm Irani, Libia dhe Jemeni nuk e kanë ratifikuar zyrtarisht marrëveshjen.
Trump ka premtuar tërheqjen e SHBA-ve, siç bëri gjatë mandatit të tij të parë./abcnews.al
