Loading ...Një 59-vjeçar është arrestuar nga policia në Tiranë, në kuadër të operacionit policor të koduar “Hierarkia”.
-Ilir Kociaj (Koçiaj), kreu i një organizate kriminale ndërkombëtare u kap në flagrancë teksa tentonte të largohej me automjetin e tij, në autostradën “Tiranë–Elbasan”.
Ai ishte shpallur në kërkim nga Drejtoria Vendore e Policisë Elbasan, në zbatim të vendimit të Gjykatës së Apelit Tiranë për njohjen e vendimit të Gjykatës së Firences, Itali, që e dënon atë me 18 vite burgim, për veprën penale “Trafikimi i lëndëve narkotike”, kryer në kuadër të një organizate kriminale.
59-vjeçari iu dorëzua Policisë së Elbasanit, për kryerjen e veprimeve të mëtejshme./abcnews.al
