Këtë të martë në “Abc e Pasdites” me moderatorin Ermal Peçi ishte e ftuar aktorja e humorit Delinda Disha. Gjatë intervistës në studio u ndalën tek imitimet që ajo realizon me personazhet e njohur të ekranit. Ajo u shpreh se nuk e ka pritur aspak që të kishte atë sukses që ka pasur me rolin si drejtoresha e tatimeve, apo edhe imitimi i Mirela Milorit.
Por si reagon publiku kur ajo imiton figura të dashura për të? A merr aktorja kritika për imitimet që bën? “I kam pritur edhe kritikat. Nuk jam kundër, unë I pres të mira apo të këqija qofshin. Pas 2-3 daljeve njerëzit e kuptojnë që është një imitim dhe jo dashakeqësi personale e imja ndaj Arbanës”.
Ermali e pyet nëse personazhet e ekranit që imiton i kanë bërë ndonjë koment pasi e kanë parë. Delinda tha se Mirela Milori ka shprehur kënaqësinë, ndërsa Arbana Osmani nuk ka reaguar fare. “Me Arbanën nuk kam rastisur, por Mirela e ka pritur shumë shumë mirë. Përditë sa herë më takon më përgëzon”.
Ermali ndër të tjera e pyet se nëse do kishte mundësi të bënte një program humori të sajin “Delinda Show’ a do ta kishte pjesë të kastit të saj Agron Llakaj. Aktorja tha “Jo” për të, ndërkohë që ishte i vetmi që përjashtoi nga emrat e tjerë të artistëve që Ermali i përmendi. /abcnews.al
