Ish-kryetari i bashkisë së Durrësit Vangjush Dako i arrestuar për shpërdorim detyre do të dalë përballë gjykatës së Apelit të Posaçëm më 18 korrik në orën 10.
Seanca në apel do të shqyrtohet nga gjyqtarja Daniela Shirka. Dako u arrestua me 6 qershor me urdhër të Prokurorisë së Posaçme me dyshimin se ka shpërdoruar detyrën në dy raste.
E para në lidhje me dhënien e lejes për ndërtimin e një pallati në Durrës në kundërshtim me ligjin dhe tenderi për blerjen e një projekti për zhvillimin e vijës bregdetare që iu rrit vlera 10-fish. Gjithsej bashkë me Dakon u lëshuan 10 urdhër arreste.
Për këto dy akuza Dako ka dhënë sqarime përballë Gjykatës, duke pretenduar se kanë qenë anëtarët e komisionit të vlerësimit të ofertave ata që kanë dhënë lejen dhe jo ai, por në fund është firma e tij dhe Prokuroria pretendon se Dako ka shpërdoruar detyrën.
Do të jetë seanca e radhës në Apel, ku Dako ka kërkuar një masë më të lehtë sigurie si “arrest shtëpie” apo “detyrim për t’u paraqitur në Prokurori”./abcnews.al
