Valencia arriti të fitojë kundër Barcelonës në “Mestalla Stadium” pas plot 12 vitesh dhe kjo humbje, nuk është pritur aspak mirë nga lojtarët katalanas. Sidomos nga “senatorët” e ekipit, të cilët u panë të largohen shpejt dhe të zhgënjyer nga fusha e blertë.
Një prej tyre, Sergio Busquets, ka folur menjëherë pas kësaj humbje, ku kritikoi disa nga shokët e tij të skuadrës, pasi sipas tij, nuk janë ambientuar ende me idetë e trajnerit Quique Setien.
“Mendoj se lojtarët duhet të përshtaten sa me shpejt me idetë e trajnerit dhe ekipit të tij teknik. Kishim momente të mira në këtë ndeshje, por dhe momente që duhen përmirësuar në të ardhmen. Disa lojtarë duan kohë që të kuptojnë të gjitha idetë që ka trajneri dhe ato që duhen implementuar në fushë”, tha mes të tjerash Busquets./abcnews.al
