Një grua që pretendon se humbi fëmijën që po priste si pasojë e lëndimeve të marra gjatë ngjarjes në Festivalin Astroworld, po padit Travis Scott dhe organizatorët. Shanazia Williamson dhe burri i saj Jarawd Owens ishin në pritje të një fëmije kur morën pjesë në Festivalin Astroworld më 5 nëntor.
Ajo thotë se humbi fëmijën për shkak të lëndimeve që Williamson mori në festival. 10 persona u vranë gjatë turmës në festivalin muzikor në Hjuston, Teksas, nëntorin e kaluar dhe qindra të tjerë u plagosën. Reperi u akuzua se kishte vazhduar të performonte pavarësisht paralajmërimeve se turma ishte në rrezik.
Padia e çiftit është një nga qindra të paraqitura kundër Scott dhe kompanive të përfshira në festival. Scott, labeli i tij Cactus Jack, Live Nation, ScoreMore, Apple dhe kompanitë e sigurisë së festivalit përballen me padi miliarda dollarësh nga njerëzit e lënduar në festival.
/abcnews.al
