Atletico Mineiro humbi 2-0 në një ndeshje të Copa do Brasil kundër Flamengos, me sulmuesin brazilian Hulk që luftonte për shkak të dehidrimit për disa orë.
Ish-ylli i Portos zbuloi se kishte humbur 6 kilogramë gjatë ndeshjes dhe diskutoi për vështirësitë e tij gjatë kontrollit antidoping pas ndeshjes.
“Që kur erdha në Atletico Mineiro, kjo ishte ndeshja në të cilën isha më i dehidratuar”, tha Hulk.
“Sot humba gjashtë kilogramë. Ishte rraskapitës. Unë isha i lodhur. E fillova ndeshjen me 97 kilogramë dhe e përfundova me 91.
Unë rashë në antidoping. Isha atje për katër orë. Piva 30 litra ujë. Por kisha probleme me urinimin. Në fund funksionoi dhe tani dua vetëm të kthehem në shtëpi.”
Hulk u largua nga stadiumi pothuajse në orën 04:00, humbi fluturimin që po çonte ekipin e tij në Belo Horizonte dhe duhej të kthehej me një avion privat./ h.ll/abcnews.al
