Abc News ka mësuar detaje të tjera sa i përket “hotelit” të barit të zbuluar në Fier. Pronari i vilës tre katëshe, Erjon Marini alias Xhevair Gashi kishte përshtatur 5 dhomat e njërit kat për kultivimin e bimëve narkotike. Në pranga kanë rënë edhe faturisti, Klajdi Gremi dhe elektricisti i OSHEE-së, Behar Fata.
Gazetarja e Abc News, Valbona Davidhi raporton se pronari i vilës, Erjon Marini ishte dënuar më parë për drogë jashtë vendit. “Policia ka rënë në gjurmë nëpërmjet inteligjencës policore. Nuk ishte e vështirë sepse nga të dhënat rezulton se pronari i vilës ka qenë i dënuar për drogë jashtë shtetit.
Informacioni i marrë përpara një muaji, pasi po ndiqej prej një muaji, dhe për këtë arsye ka qenë në vëzhgim“, u shpreh gazetarja. Ndërkohë, vijon puna për hetimin pasuror të pronarit të vilës si dhe për identifikimin dhe kapjen e personave të tjerë të dyshuar të përfshirë në këtë veprimtari kriminale./abcnews.al
