Horror në Japoni, gjendet një trup pa kokë në një dhomë hoteli, dyshohet se vrasësi e mori me vete

Një ngjarje e rëndë ka ndodhur në Japoni, ku trupi i pajetë i një burri është gjetur brenda një dhome hoteli.

Mediat e huaja shkruajnë se viktima është rreth 62 vjeç vendas, ngjarja e rëndë ka ndodhur në një hotel që ndodhet në lagjen e dritave të kuqe të Sapporo, një qytet në ishullin më verior japonez të Hokkaido.

Trupi dyshohet se u gjet nga stafi në banjën e një dhome në katin e dytë të hotelit.  Sipas NHK Neës, policia analizoi pamjet e kamerave të sigurisë nga vendi i ngjarjes, që dyshohet se tregonin një burrë që hynte me një person tjetër mbrëmjen e të shtunës.

Një person tjetër u pa duke u larguar vetëm nga hoteli rreth orës 2 të mëngjesit të së dielës. Kyodo Neës raporton se personi është parë duke u larguar me një valixhe të zezë që policia beson se kishte kokën dhe rrobat e viktimës.

Nga autopsia e trupit rezultoi se koka ishte prerë me mjet prerës kur viktima tashmë kishte vdekur./abcnews.al