TIRANË- Deputetja e Partisë Demokratike, Elda Hoti është përjashtuar nga punimet e Kuvendit. Ajo hodhi një lëndë tek rreshti i vet, ndërsa kryetarja e Kuvendit Elisa Spiropali kërkoi të verifikohet se çfarë ishte ajo.
Krahas zhurmës dhe kaosit në seancë, deputetë e PD-së, të cilët janë përjashtuar kanë vijuar përplasjet me punonjësit e Gardës së Republikës jashtë godinës.
Ata kanë tentuar disa herë të kalojnë gardhin metalik, i cili është vendosur para godinës së Kuvendit për të penguar hyrjen në seancë të 24 ligjvënësve demokratë, të përjashtuar për aktet e tyre të dhunshme dhe djegies së karrigeve të Kuvendit./ abcnews.al
