Shqipëria prezantohet në Trienalen e Milanos, me ekspozitën “Rituali Fotografik”, me negativë të Muzeut Kombëtar të Fotografisë Marubi, kuruar nga Zef Paci. Kjo ekspozitë, përshkon 100 vjet nga historia e Shqipërisë, përmes portreteve që kalojnë para kameras së Marubit, e më pas të fotografëve të tjerë, të cilët fiksojnë momente kyç të jetës njerëzore shqiptare.
“Trienalja e Milanos është një ndër skenat e duhura, që ky ritual tashmë i shekullit të kaluar, të jetë një pasaportë autentike shqiptare që flet për bashkëkohësi kulturore”, theksoi ministria e Kulturës, Mirela Kumbaro. Ekspozita do të qëndrojë e hapur deri në 9 Dhjetor 2018./abcnews.al
