LAÇ- Për çiftin e mësuesve tashmë të dalë në pension, Lulzim dhe Izota Avdyli, 7 marsi është një ditë e rëndësishme. Ata e kujtojnë me krenari momentin e parë që kanë nisur punën dhe emocionet që kanë përjetuar deri në ditën e fundit.
Çifti ka filluar karrierën e tyre në shkollën e mesme të Laçit, ku u njohën, u dashuruan dhe krijuan familje.
Traditën në mësimdhënie e kanë përcjellë edhe tek dy vajzat e tyre, të cilat janë mesuese jashtë vendit.
Edhe pse në pension, Izota e vazhdoi mësimdhënien në shkolla private. Kujton kur ishte fare e re dhe nisi punën në 1976, falë një drejtuesi që e mbështeti dhe e rriti profesionalisht.
Ndërsa Lulëzimi kujton i emocionuar që ende sot e kësaj dite, gëzon respektin e ish nxënësve të cilët nuk harrojnë kurrë ta urojnë. Në fund, përcjellin edhe një mesazh zemre për të gjithë arsimtarët, të rinj e të vjetër./abcnews.al
