Tre ditë nga zgjedhjet e pjesshme vendore, Himara I është kthyer normalitetit. Pasi shprehën vullnetin e tyre me votë, duke i besuar drejtimin e Bashkisë socialistit Vangjel Tavo, banorët shprehin kërkesat për qytetin e tyre.
“Ne presim që të punojë sa më shumë, ato gjëra që mungojnë.”, u shpreh një banore.
“Tavon e kemi njeri shembullor, e kemi të përsosur, kemi nevojë për disa rregullime.”, u shpreh banori i qytetit.
“Të bëhet plazhi publik, po u bë ajo do jetë gjeja më e mirë.”, tha një tjetër turist.
Pa asnjë çast feste të bashkiakut të ri dhe me fokus tek turizmi, bregdeti i Himarës po pret mijëra vizitorë nga mbarë bota. Nga Skocia, Ukraina, France e deri Australia e largët kane zgjedhur Shqipërinë dhe Himarën për të pushuar.
Nuk ngurojnë të thonë se do të rikthehen sërish në Maldivet e Europës.
Sipas raportit të fundit të Komisionit Evropian të Udhëtimeve, Shqipëria ka shënuar rritje me 86 përqind në aktivitetin turistik për pesë vitet e fundit, duke lënë pas Greqinë, Turqinë dhe dhjetëra vende të tjera.
