Grupi libanez, Hezbollah deklaroi në Telegram se luftëtarët e tij sulmuan qytetin Avivim në Izraelin verior.
Sulmi vjen në përgjigje të sulmeve të ushtrisë izraelite në fshatrat jugore të Libanit, “veçanërisht Kfar Kila”, shkruan Al Jazeera.
Israel Hayom, një degë lokale në Izrael, thotë se një raketë antitank e lëshuar nga Libani goditi një ndërtesë në qytet, pa shkaktuar viktima. Në deklaratën e tij, Hezbollahu u shpreh se ndërtesa që sulmoi përdoret nga ushtarët izraelitë.
Tensionet janë shtuar pasi ushtria izraelite njoftoi se ka vrarë Fuad Shukr, komandantin më të lartë të Hezbollahut, duke e akuzuar atë për një sulm në të cilin u vranë dhjetëra të rinj në Lartësitë e Golanit, të okupuara nga Izraeli.
Hezbollahu, i cili mbështetet nga Irani, konfirmoi vdekjen e Shukr, pak orë pasi Hamasi njoftoi se lideri i saj politik Haniyeh u vra në Teheran.
Qeveria e Netanyahut nuk e ka marrë përgjegjësinë për vrasjen e liderit të Hamasit dhe ka thënë se nuk e komenton atë./abcnews.al
