Hezbollahu lëshoi dhjetëra raketa në Kiryet Shmona, një qytet izraelit mbi kufi, herët të mërkurën, në përgjigje të sulmeve vdekjeprurëse izraelite në fshatin Hebbariyeh në Libanin jugor një ditë më parë.
Izraeli dhe Hezbollahu i mbështetur nga Irani kanë shkëmbyer zjarrin përtej kufirit që kur shpërtheu lufta Izrael-Hamas në Gaza, shkruan The Guardian.
Të dyja palët kanë thënë se nuk duan luftë gjithëpërfshirëse dhe janë të hapur ndaj një procesi diplomatik, por sulmet, janë rritur këtë javë pas një qetësie në granatimet ndërkufitare.
Të paktën shtatë persona u vranë në sulmet izraelite në Hebbariyeh, thanë për Reuters dy burime libaneze të sigurisë. Sulmet izraelite dukej se kishin për qëllim qendrën e urgjencës dhe ndihmës së grupit islamik në fshat./abcnews.al
