Mohamed Salah është sulmuesi me i mirë i momentit në Premier League. Në ndeshjen kundër Manchester United arriti të shënonte tripletë, duke marrë me vete edhe topin e ndeshjes.
Një kënaqësi e madhe kjo për egjiptianin, që është kthyer tashmë në idhullin e tifozëve të Liverpool.
Pas përfundimit të ndeshjes me Manchester United, Salah është shprehur i kënaqur për golat dhe fitoren e skuadrës, i cili dëshiron të fitojë gjithçka me skuadrën e “The Reds”.
“Mendoj se është diçka e shkëlqyer të vish dhe fitosh 5-0 këtu. E dinim përpara ndeshjes se do të ishte e vështirë nëse nuk do të luanim ndeshjen tonë. E dinim që ata do të vinin për të dhënë gjithçka, kështu që ne duhet të ishim 100%. U përpoqëm të luajmë futbollin tonë dhe luanim mes linjave për të krijuar më shumë raste. E bëmë këtë dhe ishim me fat që shënuam.
Për sa kohë skuadra vazhdon që të fitojë, unë jam i lumtur që të jap më të mirën që skuadra të arrijë objektivat e saj. Golin e parë ia dhashë Keitasë ta shënonte. E dimë se çfarë duhet për të fituar Premier Ligën. E bëmë këtë dy vite më parë. Këtu arritëm një fitore të madhe, por në fund të ditës janë vetëm 3 pikë. Do të përpiqemi të fitojmë çdo ndeshje dhe ngremë titullin. Duhet të luajmë për të fituar gjithçka. Çfarë u tha në pushim të pjesës së parë? Që të vazhdojmë të shënojmë sa më shumë gola që të mundemi”, përfundoi Mo Salah. /f.a/abcnews.al
