Laçi mposhti Kukësi me rezultatin 2-1, dhe autor i dy golave ishte Guindo, i cili arriti të shënonte dy herë, duke i dhënë kështu edhe 3 pikë shumë të rëndësishme kurbinasve.
Me dy golat e shënuar kundër verilindorëve Guindo iu bashkohet Taulant Seferit dhe Edi Basa si golashënuesi më i mirë i kampionatit.
“Më bëhet qejfi që i shënoj Kukësit, ata janë ekip i madh në Shqipëri, është nder për mua. Jam shumë i kënaqur që shënova dhe fituam.
Çfarë ndryshoi Josa te Laçi? Ai ka ndryshuar shumë gjëra, ka ndryshuar mentalitetin dhe skuadrën, na dha besimin që kishim humbur.
Nuk ka rëndësi kush luan apo jo, jemi të gjithë të kënaqur, te Laçi jemi realisht një grup”, deklaroi autori i dy golave për skuadrën e Laçit. /f.a/abcnews.al
