Dy të rinj të moshave 24-vjeç në Greqi janë arrestuar nga policia pasi akuzohen se kanë shkuar në një lokal me kartëmonedha false.
Mediat greke bëjnë me dije se ata janë ulur në tavolinë duke u argëtuar deri në orët e para të mëngjesit.
Në momentin kur duhet të paguanin ata i dhanë kamarierit tre kartëmonedha 50 euro me tregues të dukshëm se ishin false.
Drejtuesit e lokalit thirrën policinë, ndërsa të rinjtë u vunë në pranga me akuzën e mashtrimit me anë të kartëmonedhës së falsifikuar. /Abcnews.al
