Policia ka shpallur në kërkim administratorin e lokalit ku u helmuan rreth 40 dasmorë. Bëhet fjalë për Manol Musen 32 vjeç, banor i lagjes “Brigada 17 Sulmuese” në Elbasan administrator i lokalit “Laguna Blu”. Sipas njoftimit të policisë shumë persona, të cilët kanë qënë pjesmarrës në dasëm, kanë shfaqur simptoma helmimi, ku kanë shkuar në urgjencën e spitalit dhe janë jashtë rrezikut për jetën.
Specialistët e Hetimit të Krimit Ekonomik dhe Financiar, në bashkëpunim me specialistë të A.K.U dega Elbasan, në këtë lokal u sekuestruan në cilësinë e provës materiale ushqimet të gjetura, të cilat janë dërguar për ekzaminime të mëtejshme.
Materialet hetimore i kaluan Prokurorisë së Rrethit Gjyqesor Elbasan, për veprat penale, “Prodhimi dhe shitja e ushqimeve dhe e lëndëve të tjera të rrezikshme për shëndetin” , dhe “Fshehja e të ardhurave” .
Ndërkohë disa nga të helmuarit u përmiresuan dhe kanë lënë spitalin. /abcnews.al
