Helmimi i 300 banorëve nga uji i pijshëm në Krujë, Meta: Situatë alarmante

schedule11:07 - 26 Tetor, 2021

schedule 11:07 - 26 Tetor, 2021

Presidenti Ilir Meta ka reaguar në lidhje me situatën e helmimit të banorëve në Krujë si pasojë e ujit të pijshëm. Meta shprehet se kjo është një situatë alarmamte që duhet trajtuar me shumë përgjegjësi dhe seriozitet nga institucionet shtetërore, përgjegjëse për shëndetin publik.

“Me shqetësim po përcjell helmimin në masë të banorëve të Krujës, një situatë alarmante, që duhet trajtuar me shumë përgjegjësi dhe seriozitet nga institucionet shtetërore përgjegjëse për shëndetin publik, por edhe nga drejtësia.

Qytetarëve të helmuar, ju uroj shërim sa më parë dhe tejkalimin pa pasoja të rënda dhe afatgjata, si dhe ju shpreh familjeve të tyre të gjithë solidaritetin!

Mbështes dhe përgëzoj ekipet mjekësore për kujdesin dhe profesionalizimin e dëshmuar derimë tani dhe i nxis shërbimet shëndetësore epidemiologjike dhe ato të mjekësisë ligjore të zbardhin sa më parë burim shkakun dhe shkaktarët dhe përgjegjësit e kësaj ngjarjeje të rëndë, që përbën një kërcënim serioz për jetët njerëzore dhe Sigurinë Kombëtare”, shkruan Meta. m.v/Abcnews.al