Shëtitjet e gjata në natyrë, qëndrimi në kampingje apo në det, gjatë sezonit veror po i përball mjekët e Shërbimit të Toksikologjisë në Qendrën Spitalore “Nënë Tereza” në Tiranë me më shumë persona që kanë nevojë për ndihmë.
“Më shumë urgjenca specifike, përshihen helmimet biologjike, kafshimet nga gjarpëri, nga merimanga e zezë, insekte të tjera, akrepi, peshku ranxh, kandilat e detit”.
Kafshimi i gjarpërit janë raste të zakonshme që vijnë në urgjencën toksikologjike, me mundësi vdekjepurëse nëse nuk vlerësohet.
Ndihma e parë në të tilla raste është shumë e rëndësishme për të ndaluar përhapjen e toksinave. Shenjat shfaqen pas rreth 30 minutave ndërsa brenda një ore duhet kërkuar trajtim mjekësor. Ndërkohë që jeni rrugës për në spital shefi i shërbimit të toksikologjisë tregon si duhet vepruar dhe hedh poshtë disa mite.
“Dikush kërkon të bëjë një bllok me idenë e mospërhapjes së toksinës, pa e ditur që ky bllok mund të sjellë dëme të indeve të buta të pariparueshme”.
Mbi vendin e kafshimit të tentohet të bëhet një fashim i gjithë anësisë në këtë mënyrë.
Në vendet e kafshimit tentohet incizion me mjete prerëse, është e dëmshme, mund të presës vazat e gjakut, përhap infeksionin. Ka që tentojnë të nxjerrin ekstraktin dhe kjo është e dëmshme ose tëntojnë të vendosin bimë që nuk kanë asnjë vlerë terapeutike, por mund të ndikojnë në përhapje.
Gjatë festave në orët e vona ka dhe të rinj që eksperimetojnë me lëndët narkotike.
“Trend në rritje marjuana, më e përdorur tek të rinjtë. Problem është ulja e moshës, kemi pas raste të izoluara tek klasat e 9, kërkojnë asistencë mjekësore në praninë e familjes. Dëmet në shëndet të parikthyeshme, çojnë në probleme të shëndetit mendor, të fusin në një rreth vicioz. Droga sintetike të sjellë situata surealiste, nuk je i orientuar në kohë dhe në hapësirë”.
Nuk mungojnë as rastet e helmimit nga kërpudhat e egra. Toksinat që ato përmbajnë sipas mjekëve nuk eleminohen nga gatimi dhe mund të kërcënojnë dhe jetën./abcnews.al
