Dita e ujit të bekuar qe kremtohet nga besimtaret ortodokse është shoqeruar me ritin e hedhjes së kryqit ne uje, në disa qytete të vendit.
Në Korçë ceremonia u drejtua nga Mitropoliti i Korçës, imzot Johani.
25 vjeçari Ronaldo Kovaçi i përket besimit islam, por kapi kryqin për herë të dytë në këtë ceremoni.
Në ceremoninë e hedhjes së kryqit në Gjirokastër, Mojsi Mërkuri, edhe pse vetëm 13 vjeç, i sfidoi të gjithë për kapjen e kryqit.
Në Vlorë, Albert Bollano nxorri kryqin nga deti Jon, duke ia dedikuar nënës së tij të ndjerë.
Edhe në brigjet e bukura të Sarandës u hodh kryqi ne ujerat e Jonit.
Për herë të 4-te Leonidha Zisi, ishte ai që doli nga deti me kryqin e shenjtë në dorë.
Në Elbasan ceremonia e shenjtë është mbajtur në pishine. Mes dhjetra të rinjsh të cilët sfiduan temperatuarat e ulëta, 13 vjeçari Vangjel Bilbili, arriti të triumfonte.
