Harry Styles thyen barrierat, pozon për Vogue me një fustan

Harry Styles ka bërë histori, pasi u bë artisti i parë mashkull që pozoi vetëm për kopertinën e revistës “Vogue”, ku u shfaq me një fustan. Këngëtari britanik foli për planet e tij për muzikën dhe stilin e modës, duke sfiduar stereotipet gjinore të veshjeve.

“Kur shkoj nëpër dyqane ndonjëherë e shoh veten duke parë rrobat e grave duke menduar se janë të mahnitshme. Si çdo gjë në jetë, sa herë vendosni pengesa, ju thjesht po kufizoni veten. Ka kaq shumë gëzim tek të luajturit me rrobat. Kurrë nuk kam menduar shumë për atë se çfarë do të thotë kjo. Thjesht bëhet një pjesë e zgjeruar e krijimit të diçkaje.”, tha Styles.

Pasi u bë i famshëm me grupin “One Direction, Harry shpeshherë ka guxuar me zgjedhjet e tij të veshjeve, të cilat i atribuohen gjithashtu dhe stilistit të tij Harry Lambert. Që nga shpërbërja e grupit që e bëri të famshëm, këngëtari ka lançuar dy albume që kanë kryesuar në listën e “U.S. Billboard 200 Albums” me “Harry Styles” në 2017 dhe “Fine Line” në 2020. /abcnews.al