Aktori Koço Qëndro risjell në moshën 92-vjeçare rolin e jetës, Harpagonin nga komedia “Kopraci” e Molierit. Pas suksesit në teatrin “Andon Zako Çajupi” në Korçë shfaqja u mirëprit edhe nga publiku kryeqytetas.
Dëshirën për ta realizuar edhe një herë rolin e jetës, aktori i njohur korçar, Koço Qëndro, e bëri realitet jo vetëm në qytetin e tij, por edhe në kryeqytet. Në moshën 92-vjeçare riportretizoi Harpagonin nga komedia “Kopraci” i Molierit me trupën e qytetit të Korçës nën regjinë e Dhimitër Orgockës.
Koço rrëmbeu duratrokitjet e publikut nga Arturbina, pasi ai shfaqet energjik dhe madje do të mbahet mend si Haropagoni më i veçantë dhe do të hyjë në histori për jetësimin në këtë moshë të këtij personazhi. Shfaqja “Kopraci” është vënë për herë të parë në skenë në vitin 1978. U rivu në skenë me trupë tjetër aktorësh dhe protagonist në rolin e Harpagonit të Koço Qëndro
Një vit më vonë, me këtë shfaqje, teatri “Andon Zako Çajupi” u përfaqësua me sukses edhe në festivalin e Stambollit, ku u nderua edhe me çmim./abcnews.al
