Kryeministri i Kosovës, Ramush Haradinaj njoftoi se komuniteti serb që jeton në Kosovë po pranon shndërrimin e Forcave të Armatosura në Ushtri. Shefi i qeverisë i bëri thirrje Listës Serbe që të votojë ndryshimet kushtetuese për këtë çështje.
Kryeministri i Kosovës, Ramush Haradinaj zhvilloi konferencën për sigurinë me ambasadorët e huaj. Pas kësaj, shefi i qeverisë doli në një konferencë për shtyp. Haradinaj foli gjerësisht për shndërrimin e Frocave të Sigurisë në Ushtri.
Ramush Haradinaj: “Po e përmend këtë, multietnike, për faktin se është paraparë se fuqëzimi i mandatit të FSK;së bëhet me ndryshime të neneve kushtetuese. Mendoj që argumentet për të marrë besimin e Listës Serbe vërtetë janë plotësuar. Por, vendimi është politik, e duke qenë politik nuk e kemi të qartë këtë vote. Kosova i ka përmbush argumentët që janë të nevojshme për të ndodhur transformimi i FSK-së në ushtri. Por duhet të vendos për mënyrën e ecjes përpara”.
Haradinaj tregoi se ambasada amerikane në Prishtinë ka ndihmuar shumë në betejën për të shndërruar Forcat e Sigurisë në ushtri. Gjithashtu ai njoftoi se formimi i ushtrisë nuk nënkupton marrjen e detyrave të KFOR-it./abcnews.al
