Për ish-kryeministrin e Kosovës, Ramush Haradinaj, kanabisi është një nga problemet e Shqipërisë dhe zgjidhja sipas tij është legalizimi. Ai përmes intervistës në “ABC” i kërkoi kryeministrit të Shqipërisë Edi Rama që të marrë guximin dhe të bëjë një ligj, si Maqedonia e Veriut për ta legalizuar.
“Nuk kam për atë (Ramën) mesazh, por dëshira për Shqipërinë, kam qejf me e parë Shqipërinë më shumë shtet ligjor, ekonomi më të fortë, respektim të ndërsjellë të bindjeve, partive, jo me dominime.
Lexo edhe: Ekskluzive/ Haradinaj për Ramën: Është vëllai im, edhe mund të ketë pasur tejkalime në komunikim
Kisha menduar që është tepër me rëndësi me legalizuar narkotikët në Shqipëri me ligj, sidomos ata që mbjellin. Kanabisin. Duhet ta marrë guximin. Ta legalizojë. Të bëjë ligj për kultivimin e tyre. E ka bërë Maqedonia. E kanë bërë popuj të tjerë. Ta heqim veten si shqiptarë nga harta e tyre që jemi vend narkotik. Ligj, transparencë, buxhet.
Lexo edhe: Ramush Haradinaj në “ABC”: Albin Kurti shantazhohet nga Serbia
Ndoshta do ta pastronim emrin tonë si shqiptarë. Rrezik ka si është sot, jo nëse legalizohet. Maqedonia e ka bërë. Edhe Shqipëria ta bëjë një ligj. Nuk po them, me e mbjellë si fasule (qesh). Por të paktën të kemi një mbulesë para të gjithë të tjerëve, se ka një sektor ekonomik të caktuar, në bazë të ligjit, në Maqedoni e kanë bërë, e përdorin për mjekësi, për të tjera.
Lexo edhe: Rasti i Afganistanit? Haradinaj: Jo mësim për ne, nëse do t’i vësh zjarrin botës, merr 10 kosovarë
Duhet me i dhënë përgjigje, disa problemeve që ka Shqipëria, me një bazë të qëndrueshme ligjore. Mos me i lënë si çështje që të gjithë i dinë, flasin dhe keqpërdorin kundër nesh, Shqipërisë dhe Kosovës dhe ne bëjmë sikur nuk ekzistojnë, duhet me u dhënë përgjigje ligjore, vetëm me ligj dilet nga kjo gjendje” tha ai në “ABC”.
Kjo temë për herë të fundit është lakuar nga kryeministri Edi Rama një vit më parë, teksa në një konferencë për mediat tha se po konsultohet me ekspertizë ndërkombëtare për çështjen e legalizimit të kanabisit në Shqipëri për arsye mjekësore./ db/Abcnews.al
