Kryeministri Haradinaj gjatë fjalës së tij në 20-vjetorin e çlirimit të Kosovës, i është drejtuar me fjalë emocionuese ish-presidentit të Amerikës Bill Clinton, i cili është i pranishëm në ceremoni. Ai tha se avionët e NATO-s në Kosovë bënë të mundur ndalimin e trenave të Serbisë.
“Spastrimi etnik dhe trenat e vdekjes u ndalën nga ju zoti President! Ju me avionët e jetës i ndalët trenat e vdekjes dhe e ndalët spastrimin etnik. Sot një popull i rilindur iu falënderon përjetë. Sot shteti i Kosovës është vlerë e re në rajon dhe është vlerë e shtuar në botë. Sot Kosova është atdheu i të gjithë neve që jetojmë në Kosovë”, tha Haradinaj./abcnews.al
