Hapi i tanishëm është i guximshëm.
Nuk dihet sesa do të arrijë të triumfojë në futbollin anglez, por Roço Vata vendosi ta provonte.
Djali i ish-kapitenit të kombëtares shqiptare, Rudi Vata, firmosi kontratë 4-vjeçare me klubin anglez, Watford, aty ku dy sezone më parë ishte sulmuesi “kuqezi”, Rey Manaj.
Lojtari ofensiv i krahut vendosi të provonte Anglinë pasi kaloi “shkallët”, te skocezët e Celtic, aty ku babai i tij luajti për shumë vite.
Në moshën 19-vjeçare, ai ishte një nga futbollistët më të mirë të ekipit B të Celtic, aty ku ka shumë të tjerë më të mëdhenj në moshë se ai.
Roço pati mundësinë të debutonte edhe në ekipin e parë të skocezëve, ndërsa është pjesë e moshave të Kombëtares së Irlandës, , që nga U15 deri në U21, ku me këta të fundit ka 5 gola në vetëm 3 ndeshje.
Vata i ri ka shënuar 31 gola në 64 ndeshje për Celtic B, ndërsa pritet që të aktivizohet më shumë në ekipin e Watford, të cilët edhe këtë sezon do të luftojnë për rikthimin, në elitën e futbollit anglez, Premier League. /i.m /abcnews.al
