Sekretari i Përgjithshëm i OKB-së, Antonio Guterres ka kërkuar që gazetarët ndërkombëtarë duhet të lejohen të hyjnë në Gaza për të raportuar për atë që po ndodh atje.
Guterres shprehu shqetësime për përhapjen e dezinformatave dhe narrativave të rreme, duke ia atribuar mungesës së prezencës gazetareske ndërkombëtare në rajon.
An information war has added to the trauma of the war in Gaza – obscuring facts and shifting blame.
Denying international journalists entry into Gaza is allowing disinformation and false narratives to flourish.
— António Guterres (@antonioguterres) April 8, 2024
“Moslejimi i hyrjes së gazetarëve ndërkombëtarë në Gaza lejon që dezinformatat dhe narrativat e rreme të lulëzojnë”, shkroi ai në një postim në rrjetin social “X”.
Që nga sulmet e 7 tetorit, ka pasur një rritje të gazetarëve të vrarë në Gaza, siç raportohet nga Komiteti për Mbrojtjen e Gazetarëve (CPJ). CPJ vuri në dukje se tre nga katër gazetarë të vrarë globalisht në 2023 humbën jetën gjatë konfliktit Izrael-Hamas midis 7 tetorit dhe 31 dhjetorit.
Vlerësohet se rreth 90 gazetarë janë vrarë atje.
Qeveria izraelite dhe mbështetësit e saj i kanë hedhur poshtë këto shifra, duke pretenduar se gazetarët palestinezë janë të ndikuar nga Hamasi dhe për këtë arsye u mungon pavarësia.
/abcnews.al
